Cundizioni generale

Règule generale
Titulu di trasportu-Bigliettu
Règule d'imbarcu
Rispunsabilità è òbblighi particulari di u passageru
Rispunsabilità è diritti di u traspurtadore


Règule generale
1) Impurtante : L'acquistu d'un bigliettu cumporta da a parte di u passageru l'accunsentu senza cundizioni di tutte e règule generale di trasportu cullucate quì sottu.
2) Definizioni. S'intende cù u tèrmine "passageru" ogni persona da traspurtà mintuvata nantu u bigliettu. S'intende cù u tèrmine "traspurtadore" a CORSICA FERRIES. Tutti l'impiegati è agenti di u traspurtadore puderanu gode di i diritti guarantiti da u traspurtadore cù e prisenti cundizioni generale.
3) Cumpetenza. Ogni lita trà passageru è traspurtadore dipendente o rilativa à a cunclusione di u cuntrattu di trasportu di passageri, bagaglii, è/o veìculi serà di cumpetenza sola di u Tribunale di Bastia, è in espressa derugazione à e cumpetenze di qualsìasi altra autorità straniera, puru esistendu qualchì dipendenza di cunnessione trà dui affari.
4) Lege da appiecà. Fora chè altrimente accennatu, u cuntrattu di trasportu di passageri, bagaglii, è/o veìculi serà disciplinatu da a Lege di a Bandera di a Nave.
5) Unità. U veìculu, cumpresa simmai rimorca o caravana cù u so cuntenutu, custituisce una ùnica unità di càricu imbarcata senza dichjarazione di valore.
6) Tariffe. U traspurtadore si tene u dirittu di move senza preavisu i tariffi è u costu di tutti i servizii furniti.
7) Danni à e persone è veìculi. Hè cuperta a rispunsabilità di u traspurtadore per i danni à e persone è veìculi traspurtati da a lege di a Bandera di a Nave è da e cunvenzioni internaziunale da appiecà.

Titulu di trasportu-Bigliettu
8) Validità. Vale solu u bigliettu di passaghju per e persone è i veìculi mintuvàtici nantu, per a nave per a quale hè statu emessu è per l'accumudazioni è a partenza mintuvàteci nantu. Un bigliettu ùn pò micca esse cedutu. Fora chè altrimente indettu, hè stabbilitu u prezzu di u bigliettu per e persone è l'accumudazioni, senza cibu, ma includendu TVA, s'ella hè devuta quella. In casu di scambiu di classa da superiore à inferiore, ùn hè fattu alcun'rimborsu.
9) Cunservazione. U passageru deve tènesi u bigliettu è prisentallu à qualsìasi ufficiale o riprisentente di u traspurtadore chì li ne ferà a richiesta. In casu di pèrdita, li serà rimbursatu u bigliettu s'ellu ùn hè statu utilizatu in u frattempu, à a so data di scadenza, vale à dì 1 annu da a data d'emissione. U passageru chì si prisenta à l'imbarcu senza bigliettu hè tenutu d'acquistanne unu novu.
10) Annullamenti. Penalitai : vede Cundizioni di tariffi.



Sèguita