Cundizioni generale

Règule generale
Titulu di trasportu-Bigliettu
Règule d'imbarcu
Rispunsabilità è òbblighi particulari di u passageru
Rispunsabilità è diritti di u traspurtadore


Rispunsabilità è òbblighi particulari di u passageru
16) Rispunsabilità di u passageru. Hè rispunsèvule u passageru d'ogni dannu cagiunatu da ellu o da ogni persona o animale sottu à a so custòdia, à a nave, à l'accumudazioni o attrezzi, ad altri passageri, à u persunale dipendente da u traspurtadore, à terzi, è dinù d'ogni sanzione, cuntravenzione, amenda o altra spesa chì, per fatti soi, serebbe attribbuita à u traspurtadore da a parte di qualsìasi autorità di qualsìasi paese.
17) Minori. Ùn ponu viaghjà soli i zitelli minori di menu di 14 anni. Dèvenu esse sempre curati da i genitori o adulti chì ne anu a custòdia è ùn ponu viaghjà per a nave senza esse accumpagnati. U traspurtadore ùn puderà esse tenutu cum'è rispunsèvule per i danni cagiunati à minori, in casu di viulazione di ciò ch'hè statu spostu quì sopra.
18) Arme. Hè difesa à u passageru di purtà à bordu arme bianche è à focu, munizioni, splusivi, benzina o altri prudutti periculosi o da piccià focu, senza l'accunsentu scrittu di u traspurtadore è l'autorizazioni legale à prisentà da u passageru. Hè ubbligatoriu tandu ch'ella sia quella robba cunsegnata à u cummissariu di bordu è resa à u passageru solu à u mumentu di u scalu.
19) Bagagliu d'illegale pusessu. U passageru in pusessu di bagaglii cuntenendu- o puru chì ferebbe entre à bordu- robba o sustanza illegale o di contrabandu serà rispunsèvule di pettu à u traspurtadore è/o altri ubbligati per danni, cuntravenzioni o amende chì à elli serèbbenu attribbuite per via di tale pusessu.
20) Veìculi cù alimentazione à gasu lìquidu (GPL). Per ragioni di sicurezza, ùn ponu esse imbarcati nantu e nave Corsica Express è Sardinia Express i veìculi cù alimentazione à gasu lìquidu.Per l'altre nave deve mintuvà u passageru, à tempu a riservazione o l'acquistu di u bigliettu, chì u so veìculu hè alimentatu cù gasu lìquidu. In mancanza di tale dichjarazione, u passageru si perde u dirittu à l'imbarcu di u veìculu è deve pagà una penalità uguale à u prezzu di u trasportu persu da u traspurtadore.



Sèguita