Cundizioni generale

Règule generale
Titulu di trasportu-Bigliettu
Règule d'imbarcu
Rispunsabilità è òbblighi particulari di u passageru
Rispunsabilità è diritti di u traspurtadore

Rispunsabilità è diritti di u traspurtadore
21) Mudìfica o annullamentu di partenza. Scambiu di viaghju. L'ore di partenza è arrivu anu solu valore indicativu è si tene u traspurtadore a facultà d'anticipà o ritardà a partenza di a nave senza chì u passageru appia u dirittu à qualsìasi rimborsu o spesa di cumpensu. In casu d'una partenza ritardata da più di 24 ore, puderà quantunque chere u passageru l'annullamentu di u so trasportu è u rimborsu di u prezzu pagatu. Di listessu modu, in casu d'annullamentu di a partenza da u traspurtadore, averà solu u dirittu u passageru à u rimborsu di u prezzu pagatu. U traspurtadore si tene dinù a facultà di fà, secondu a vuluntà di u cumandante è per ragioni liate à a navigazione, altri scali da quelli previsti. U traspurtadore ricusa ogni rispunsabilità in casu di pèrdite o danni dopu timpesta, affundamentu, inticciu, cambiu di rotta, manofre d'accostu o d'ammollu, quarantana, incendii, atti di guerra o di piratterìa è di qualsìasi accidente o perìculu di mare, suspesa o annullamentu d'accostu o di ligna, cambiu d'itinerarii è orarii o di qualsìasi evenimentu liatu à a navigazione per causa di forza magiore o di greva di persunale marìttimu o di terra. In casu chì u traspurtadore tugliessi a partenza annunciata, aghjunghjessi o puru omettessi scali, o fessi inizià u viaghju da un portu sfarente da quellu previstu, anticipessi o ritardessi a data di partenza, s'ellu ùn vulessi più u passageru utilizà i servizii di u traspurtadore, averebbe quellu solu u dirittu à u rimborsu di u prezzu pagatu, senza alcuna forma di spesa di cumpensu o altru rimborsu di qualsìasi natura. Neppuru averà u dirittu à spesa di cumpensu o rimborsu in casu d'antìcipu o ritardu à l'arrivu di a nave.
21 bis) Mudìfica o annullamentu di partenza per e nave veloce. Per ragioni tècniche liate à u cunfortu è à a sicurità di a navigazione, hè stabbilitu chì ùn dèvenu fà e nostre nave veloce traversate in casu di gattive cundizioni meteorològiche, anzituttu cù marusulate di più di 3 m d'altu. Custattatu ch'ellu appia u traspurtadore cusì gattivu tempu, secondu a so pròpria è incuntestèvule decisione, serà annullata a partenza di e nave veloce è si tenerà u passageru u dirittu di fà una pròssima traversata cù una altra nave tradiziunale di u traspurtadore. Tandu averà solu u passageru u dirittu à u rimborsu di a diferenza di prezzu, senza alcuna spesa di cumpensu di qualsìasi natura.
22) Piazze à bordu. In casu d'errore in l'attribbuzione di l'accumudazioni à bordu, ùn puderà pretende u passageru à qualsìasi spesa di cumpensu è li tuccherà à accettà a migliore accumudazione chè u traspurtadore serà in gradu di prupòneli tandu.
23) Rispunsabilità per u trasportu di veìculi. U traspurtadore ùn hè micca rispunsèvule per e pèrdite o danni cagiunati à i veìculi nè durante l'uperazioni d'imbarcu è di scalu, nè durante a traversata. U traspurtadore ùn hè micca rispunsèvule per e pèrdite o danni cagiunati à a robba in veìculu. Puderà esse cunsegnata da u cummissariu di bordu, contru ricevutu, qualchì robba di valore cum'è apparechji fottò, cannuchjali, etc ...
24) Robba di valore. U traspurtadore ùn hè micca rispunsèvule per e pèrdite, arrubbecci o danni cagiunati à robba di valore, soldi, scartafàcciuli, tenùtisi in bagaglii è/o in veìculu, fora ch'ella fussi stata quella robba cunsegnata à un persunale incaricatu di a so cura.
25) Dirittu di pegnu è di ritensione. U traspurtadore hà u dirittu di pegnu è ritensione sopr'à bagaglii è altre pruprietai di u passageru, veìculu cumpresu, in guaranzìa di qualsìasi pagamentu chì à u passageru tuccherebbe di fà a u traspurtadore per qualsìasi tìtulu o fattu liatu à u trasportu. Per ciò, s'ellu ùn paga u passageru ciò ch'ellu deve, u traspurtadore hà a facultà di fà vende a roba indetta quì sopra, puru senza autorizazione di ghjustìzia, è à ricogliesi u devutu sanu, spese ausiliare cumprese, sopr'à a somma incasciata.
26) Riclamazioni. E casuale riclamazioni di qualsìasi natura duveranu esse à l'istante fatte à u cummissariu di bordu. E riclamazioni per danni à i veìculi duveranu esse à l'istante fatte à l'ufficiali incaricati di l'imbarcu chì scriveranu à prò di u passageru un raportu di danni. Tuccherà à u passageru di firmà stu raportu chì però ùn puderà custituisce alcuna accettazione di rispunsabilità è/o ricunniscenza di qualsìasi sorte da a parte di u traspurtadore. E riclamazioni spruviste da a copia di quellu raportu di dannu ùn seranu nè esaminate nè accettate da u traspurtadore. Fora chè altru tempu lìmitu di prescrizzione più favurèvule à u traspurtadore, qualessa sia l'azzione contr'à u traspurtadore, cuntrattuale o estracuntrattuale, per morte o dannu persunale, pèrdita o dannu di bagagliu, veìculu o per cumpensu di danni à qualsìasi tìtulu, serà cunsiderata quella azzione cum'è inaccettèvule s'ellu ùn hè statu nutificatu qualchì attu di citazione da u ghjùdice cumpetente in l'annata dopu u scalu di u passageru. Ùn puderà esse rispunsèvule u traspurtadore per atti o fatti stalvati fora di a nave.



Riservà