Bigliettu / Riservazione

Fatta a riservazione da u situ, hè mandatu u bigliettu (chjamatu tick-email) pè mail dopu qualchì minutu. Quandu ella vi pare pudete, andendu in "Richjamu bigliettu", ricaccià u vostru bigliettu è stampàvvilu, dendu u nùmeru di riservazione è u vostru nome (a casata).

Infatti hè arregistratu u bigliettu à nome ùnicu (casata) ma ci impone a direttiva 98/41/CE-Art.5 di dichjarà casata, picculu nome è età d'ogni passageru chì hà da fà a traversata. In casumai ch'elli scàmbinu i passageri trà a riservazione è a partenza, vi tocca à cumunicàccila.

Pudete mudificà u vostru biglettu chjamènduci à u 0825.095.095 (0.15 €/minutu). In tariffu-standard (senza prumuzione) hè suggettu à una penalità di 9 € ogni scambiu di data, ligna o categurìa di veìculu, da aghjustà à a casuale diferenze di tariffu. Pò esse mudificatu ogni bigliettu cù tariffu à prumuzione, ma hè suggetta quessa à una penalità di 30 €, da aghjustà à e casuale diferenze di tariffu.

Pudete annullà u vostru bigliettu chjamènduci à u 0825.095.095 (0.15 €/minutu). Sò suggetti l'annullamenti à e penalitai quì sottu :
- 10 % fin'à un mese prima di a partenza,
- 20 % fin'à 48 ore prima di a partenza,
- 50 % fin'à l'ora lìmita di prisentazione à l'imbarcu (vale à dì 1 ora),
- 50% per i biglietti-open,
- 100 % per ogni riservazione cù tariffu à prumuzione.
Ùn serà cuncessu nisun'rimborsu in casu di prisentazione dopu u tempu lìmitu (1 ora prima di a partenza) o dopu l'arregistramentu, è quelli biglietti diventeranu invàlidi. Per l'annullamentu di un bigliettu per quale era digià statu fattu un scambiu di data, si tenerà contu di u ghjornu di a partenza originale.

State puru tranquillu, pudete pagà u vostru bigliettu cù carta di crèditu in tutta sicurezza. A transazzione hè fatta in modu SSL (Secure Socket Layer) è assicurata da u label Fia-Net.

Pudete pagà u vostru bigliettu cù "chèques-vacances", basta chì u viaghju ùn sia cù tariffu à prumuzione, chjamènduci à u 0825.095.095 (0.15 €/minutu).