I nostri prezzi, in verità

Cari clienti,

Fin'à oghje ci avete fattu cunfidenza, perchè sempre ci simu dati à prupone prezzi u più à bon'pattu per prestazioni di qualità, in u rispettu di a più stretta sicurezza.
Oghje ci tocca à cresce appenuccia i nostri prezzi, per pudè fà fronte à unipochi d'inciampi chì si sò ammansati davanti i nostri passi :

Benzina

A crèscita di u prezzu di a benzina piomba l'indùstria di u trasportu sana sana : Più di 60 % in dui anni !

Tassa di sicurezza

Una nuvella tassa di sicurezza vene à cumulassi cù e tasse purtuale digià abbastanza alte, prilevate da e CCI (Càmere di Cummerciu è d'Indùstria).

Tassa regiunale

Una tassa regiunale di 4,57 € à passageru per ogni traversata, vene prilevata da a Cullettività Territuriale di Corsica.

Aiutu Suciale

L'Assemblea di Corsica hà decisu torna di riduce è livellà "l'Aiutu à u Passageru", passèndulu, per chì ne hà u dirittu, da 15 € à 8,5 €, in valore mezanu per tuttu u tràfficu da o per Tulò è Nizza.

Cusì ad esempiu, per un pass'è vene di 2 adulti, 2 zitelli, 1 vittura in viaghju Tulò/Aiacciu di ghjornu è di statina, u prezzu, firmàtusi à 300 € frà u 2008 è u 2010, in u 2011 passa à 343 €, vale à dì una crèscita di 13 %.

Vi ringraziemu torna di dacci a vostra cunfidenza. Malgradu tuttu, circhemu à impegnacci sempre à prupone prezzi i più bassi, qualità di prima trinca è sicurezza cumpletta.