Cundizioni d'adopru di u situ

1. Stu situ Web cù tuttu u so cuntenutu, vale à dì testu, imàgini fisse o mosse, basa di dati, prugrami, "cgi", etc ..., hè prutettu sanu sanu da u dirittu d'autore.

2. Corsica Ferries vi cuncede un'auturizazione di ripruduzzione, solu di modu numèricu nant'à l'urdinatore adupratu da voi per cunsultazione, è solu in u scopu di fighjà e pàgine cunsultate cù u vostru navigatore internet. A stampa nantu carta hè auturizata da copia privata, solu à prò di u cupistu, à u sensu di l'articulu L. 122-5 2 di u Còdice di a Pruprietà Intellettuale. Hè auturizata a creazione d'una lea "ipertestu" versu u situ, ma senza "frame" è versu a pàgina d'accogliu di u situ http://www.corsicaferries.com, è solu questa quì.

3. Hè propriu interdetta qualsìasi ridiffusione o cummercializazione di stu situ, in tuttu o in parte, di qualsìasi modu.

4. Hè difesu qualsìasi altru adopru chì ùn sia chjaramente mintuvatu quì sopra, è hè necessariu tandu l'accordu scrittu è capavanti di Corsica Ferries France. Fora di l'adopri chjaramente cuncessi quì sopra ùn hè auturizatu : - ripruduce marche o "logo" di u situ web, - custruisce lee "ipertestu" versu qualunque elementu di u situ altru chè a pàgina d'accogliu, - utilizà o strae, in tuttu o in parte, u cuntenutu di e basi di dati di u situ web, - utilizà qualunque prugramu di u situ web, etc ...

5. Corsica Ferries France face u so pussìbule da assicurà chì l'infurmazioni cuntenute in stu situ sìanu cumplete è esatte. Corsica Ferries France vi guarantisce dispunibulità è sicurezza di tutte l'offerte mintuvate in stu situ.

6. Prima di pònela nant'à u situ, Corsica Ferries France guarda chì sia ghjusta, seria è di qualità ogni offerta pruposta, è s'impegna versu voi pè prupònevi prezzi i più interessanti.

7. Corsica Ferries France ùn pò esse tenuta da rispunsèvule pè difficultà chì à casu stalverèbbenu cunsultendu u situ, nè di u gattivu funziunamentu di u situ, o di manera più generale, di qualunque disturbu di a rete Internet chì guasterebbe l'adopru di u situ.

8. A cunsultazione di u situ intende cunniscenza è accunsentu di e caratterìstiche è di e lìmite proprie à a rete Internet, vale à dì pè ciò chì riguarda à u tempu necessariu di risposta cunsultendu l'offerte messe in ligna, l'assenza di prutezzione di certi dati contr'à pussìbule sviamentu rubbaticciu, è i rìsichi d'infezzione cagiunati da viri trascurrendu pè a rete.

9. Stu situ hè scrittu prima in francese. Da permètteli un accessu internaziunale, hè ancu dispunìbule in parechje lingue. Ma in casu di cuntradicenza frà duie versioni, sempre valerà quella stabilita in lingua francese.

10. Stu situ hè statu creatu in Corsica. Aduprendu stu situ, accunsente e cundizioni d'adopru scritte quì avanti, senza rinuncià à qualunque azzione di natura cuntrattuale o delittuale pudendu esse fatta da Corsica Ferries France. Ogni lita riguardu à l'interpretazione o l'appiecu di qualunque impegnu cuntrattuale previstu da stu situ serà di cumpetenza sola di i tribunali francesi, appiechendu a lege francese.