Cundizioni d'appiecu di u Corsica-Club

U prugrammu Corsica-Club propriu numinativu, è s'appieca solu à i particulari (sclusi mercanzìe, sucetà è gruppi), è hè sottumessu à e cundizioni quì sottu :



- Hè ubbligatoriu chì sia indettatu u nùmeru di contu à tempu a riservazione.

- Da chì u bigliettu riservatu sia accreditatu, u titulare di u contu deve esse quellu chì viaghja cù issu bigliettu. A direttiva Eurupea (98/41/CE art. 5) impone chì sianu ubbligaturiamente furniti casata, nome, sessu, età di i passageri à tempu a riservazione. Qualsìasi falza dichjarazione o arrubbecciu d'identità puderà occorre attacchi ghjudiziarii.

- Ci hè pussìbulità d'accredità u vostru contu dopu viaghjatu, dendu i nùmeri di biglietti aduprati (ma bisogna ch'ellu appia viaghjatu u titulare di u contu). Venenu sclusi da stu prugrammu i biglietti riservati in senu à qualchì partenariatu.

- 20 € di biglietti cumprati (fora di tasse è diritti) = 1 CorsicaNautic = 1 € di valore.

- Sò cunsiderate solu e prestazioni di a cumpagnia in u càlculu di u prezzu riservatu (sò scluse e prestazioni assicurenza MONDIAL ASSISTANCE, soprapiù di benzina, spese di gestione).

- Venenu accreditati i CorsicaNautics in tantu chè avere definitivu nant'à u vostru contu.

Per indettu : Compru 1000 € di biglietti fora di tasse, venenu ammansati 50 CorsicaNautics nant'à u vostru contu, da aduprà in tantu chè avere per l'acquistu di biglietti Corsica Ferries.

- Si pò aduprà st'avere à cundizione ch'ellu supraneghji u prezzu fora di tasse di i biglietti chè vo vulete riservà.

- A riservazione di biglietti "prime" (biglietti gràtisi) deve esse fatta aduprendu u furmulariu di riservazione omancu 7 ghjorni prima di a partenza prevista.

- Vene appiecata a gratuità nant'à u prezzu fora di tasse è diritti, ma devenu esse quessi pagati à listessu tempu da u cliente à tempu riservatu. Ùn hè micca pussìbule una riservazione in upzione.

- Riservazione di biglietti "prime" à menu di 30 ghjorni prima di a partenza, è à u più 7 ghjorni prima, per fax o currieru da mandà unicamente à i scagni di a cumpagnia.

- I biglietti di gràtisi ponu esse riservati solu à cundizione di dispunibulità in a classa di tariffu à u mumentu di a riservazione, fora di i tempi di vacanze sculare è di furtìssime partenze (cumpresu i ponti), à cundizione di dispunibulità in a classa di riservazione di basa in a categuria di tariffu currispundente. Ùn hè micca pussìbule a riservazione di biglietti open. Riservati ch'elli sò, i biglietti di gràtisi ùn si ponu mudificà.

- Cunvalidità : U contu deverà esse accreditatu à u mìnimu cù l'acquistu d'un bigliettu in un tempu di 24 mesi, o venerà propriu chjosu.

- "Captainsclub": Per i conti chì ghjunghjeranu à un tutale di più di 100 CorsicaNautics à l'annu (2000 € di biglietti cumprati), seranu offerti avantagii specìfichi, cum'è una piazza privilegiata in garagiu à bordu di i Mega Express, una cabbina di gràtisi in traversata di ghjornu, un'accolta privilegiata à bordu (acqua è frutta in cabbina, tavulinu riservatu à l'usteria).