Tutti i nostri porti

Sè vo imbarcate senza vittura, prisentàtevi puru omancu una mezora prima di a partenza. Cù a vittura, prisentàtevi omancu un'ora prima. In tempi di vacanze, vi cunsigliemu d'èsseci ancu bellu prima, un'ora è mezu prima di a partenza. Di vultata, lasciàtevi dinò u tempu di ghjunghje à u portu è tenite à contu chì ci ponu esse l'ingorghi nant'à isse strade !

È fate puru casu chì passata l'ora lìmita, l'imbarcu ùn hè più assicuratu !

Ghjuntu in portu, andate puru direttamente à a fila d'imbarcu cù u vostru bigliettu (tick-e-mail, SMS-Ticket, Tickefax, copia di screnu di a pàgina di riservazione ...), da favvi arregistrà, è vi serà rimessa a vostra carta d'imbarcu.

Tenìtela à mente : À ogni mumentu ponu occorre cuntrolli di bigliettu, d'identità, o di ghjustificativi di reduzzione, ch'ella sia in portu o à bordu.
Pè a vostra sicurità, ùn state mai à menu di 50 metri vicinu da u battellu durante e manofre d'imbarcu è di sbarcu.

Per pudè imbarcà à pedi mentre chì u sciuffore imbarca a vittura, sceglite puru l'"ExpressBoarding". Permette à i passageri di i veìculi di stallassi à bordu, spenserati è senza aspettà. Assai còmudu sè vo avete i zitelli !
À pàrtesi da 2 € per passageru.