A storia di a Cumpagnìa

Da u 1968 à u 1981, a Cumpagnìa, tandu chjamata Corsica Line si sviluppa nant'à a so prima ligna : frà Corsica è Italia.
Da tandu mai ùn pianterà a so crèscita : Dopu e ligne taliane veneranu create quelle francese è à pocu à pocu diventeranu e nave turchine è gialle un esempiu di cunfortu è di serviziu di prima trinca in tuttu u Terraniu.
In u 1981 vene acquistata a sucetà taliana TTE, è cusì à Corsica Ferries vene accuppiata a marca Sardinia Ferries, da pudè assicurà ligne frà Italia è Sardegna. A nave Sardinia Nova hè a prima à addunisce Livornu cù Olbia.
Poi a flotta vene rinfurzata cù l'acquistu di u Sardinia Vera.
In u 1996, Corsica Ferries prupone trà Nizza è a Corsica viaghji cù a nave veloce Corsica Express, sott'à a bandera francese. Aperte e ligne da una sponda à l'altra trà Corsica è cuntinente francese pè e navi sott'à qualsìasi bandera di a cumunità auropea, a Cumpagnìa marìttima corsa in u 1999 stabilisce parechji ferries trà Nizza è Bastia, l'Isula è Calvi. Serà un novu successu cummerciale ...

Di dicembre di u 2000 Corsica Ferries apre e ligne Tulò/Bastia, Tulò/Aiacciu, è poi Nizza/Aiacciu d'aprile di u 2001. Tutte ste ligne ottènenu un bellìssimu successu per via di prezzi i più à bon'pattu di tuttu u mercatu è di i dui ferries Mega Express di nova generazione.

Tutte ste scelte stratègiche assicurèghjanu à a Cumpagnìa u risultatu mai ottenutu di 1,6 milioni di passageri in u 2002, supranendu u cuncurrente pùblicu di più di 383.000 passageri, è cunsacrèndula cusì prima cumpagnìa marìttima trà Corsica è cuntinente francese.

Di ghjennaghju di u 2002, sempre in un spìritu di cuncurrenza, Corsica Ferries decide di pone direttamente à prò di i so clienti l'aiutu suciale attribuitu à e cumpagnìe da a Cullettività Territuriale di Corsica per parechje spezie di passageri, cum'è per esempiu i residenti in Corsica. Un prezzu mìnimu di 5 €, u più bassu mai prupostu in Corsica, face sbuccià u tràfficu marìttimu, favurisce l'ecunumia corsa è à tempu face cresce torna e parti di mercatu di a Cumpagnìa.

Corsica Ferries face parte di u gruppu Lota Marìttimu. A so surella Sardinia Ferries, prima cumpagnìa marìttima frà quelle chì ùn tòccanu soldi pùblichi, assicureghja dipoi u 1981 diverse ligne trà Italia è Sardegna.

Corsica Ferries è Sardinia Ferries anu traspurtatu treminduie 2.413.000 di passageri in u 2003, 2.631.074 di passageri in u 2004, 2.850.000 di passageri in u 2005, è più di 3 milioni di passageri in u 2006.

In u 2004 hà dinò acquistatu a nave amirale Mega Express Three, per assicurà e ligne di a Sardegna.
In u 2006, a Cumpagnìa marìttima acquista u Mega Express Four. Sò francati i 3 milioni di passageri, cù 2/3 pè a Corsica, è 1/3 pè a Sardegna.
In u 2007/2008, hè acquistatu è rimanighjatu u Mega Express Five.
In u 2008 hè messu in ligna u Mega Smeralda, u novu gioiellu di a cumpagnìa Corsica Ferries.

1968: Creazione di a cumpagnìa marìttima corsa Corsica Line chì diventerà Corsica Ferries.
Partenze versu l'Italia da a Corsica.
1981: Apertura di e ligne Sardinia Ferries.
Partenze versu a Sardegna da l'Italia (Livornu) è nàscita di a marca Sardinia Ferries.
1995: A cumpagnìa trasporta più d'un milione di passageri.
1996: Apertura di e ligne frà cuntinente francese è Corsica, frà Italia è Sardegna.
Partenu da Nizza e navi veloce Corsica Express pè ghjunghje in Bastia è Calvi / L'Isula (Balagna) in menu di 3 ore.
Fine di monopolu di e cumpagnìe di Statu.
1997: Messa in ligna di e navi veloce frà Civitavechja è Sardegna.
1998: Tutti i scagni chì a cumpagnìa avìa in Italia sò trasferiti nant'à u portu di Savona duv'ella hà ottenutu una cuncessione purtuale di 50 000 m2.
1999: Cummanda fatta à i cantieri Orlando di Livornu pè a custruzzione di i primi dui ferries veloci Mega Express.
Apertura di e ligne Nizza-corsica cù cruise ferry.
2000: Apertura di a ligna Tulò-Corsica.

2001: Ghjùnghjenu i Mega Express nant'à e ligne Tulò-Corsica è Livornu-Golfu Aranci.
2003: Ghjunghje u Mega Express Three.
2006: Ghjunghje u Mega Express Four.
A cumpagnìa franca i 3 milioni di passageri à l'annu.
2007: Creazione di Kallisti Ferries www.kallistiferries.gr in associu cù Spanos marìttimu (U Pireu, Grecia).
Dui ferries di a flotta sò aduprati da navette frà Isule Ciclate è mare Egeu urientale.
2008: Sò messi in ligna dui nuvelli ferries : Mega express Five è Mega Smeralda.
In u 2011, a Cumpagnìa gestisce 13 ligne, di cui 7 in partenza da Nizza è Tulò.

Cuntinente-Corsica	Italia-Corsica	Italia-Sardegna
Nizza-Aiacciu	Livornu-Bastia	Livornu-Golfu Aranci
Nizza-L'Isula	Savona-Bastia	Civitavechja-Golfu Aranci
Nizza-Bastia	Savona-L'Isula
Nizza-Calvi	Savona-Calvi
Tulò-Aiacciu
Tulò-Bastia
Tulò-L'Isula