Corsica Ferries cù l'embiu

Golfu di Portu

A Corsica, ricchezza naturale hè sempre stata prutetta. E bellezze è e diversità di sta natura fàcenu di a Corsica unu frà l'ùltimi riserve naturale di l'Auropa.
Corsica Ferries cù i so mezi, participeghja cù primura à a prutezzione di l'embiu naturale.

Ciò chè no femu


Dipoi sempre, Corsica Ferries hè indiata assai in a furmazione di u persunale di bordu à u rispettu di l'embiu.
A Cumpagnìa si dà à sparghje sti valori nant'à e navi è in tutti l'uffizii, è hà risparmiatu dinò l'adopru di certe materie : Per indettu, e butteghe à bordu ùn ùsanu micca sacchetti di plàsticu. Tutti l'uffizii di a Cumpagnìa ùsanu carta riciclata, è altr'è tantu n'hè pè a carta di i nostri opùsculi è altra rbba d'infurmazione diffusa à i clienti.
Corsica Ferries hè cuscente di l'impurtanza, à u livellu ecunòmicu è embientale, di a necessità di calà quant'omu pò a cunsumazione di benzina di e nave.
Corsica Ferries face parte di Armatori di Francia è cusì accunsente à a Carta Turchina (Charte Bleue) d'Armatori di Francia di cui unu di l'impegni ghjè a prutezzione di l'embiu marinu è di e custere.

U nostru sustegnu


Dipoi più di 15 anni, a Cumpagnìa sustene i centri di ricerca embientali è biològichi, accugliènduli à bordu durante l'uperazioni di custòdia di i cetacei, à prò di a salvezza di i mammìferi marini :
- Accademia del Leviatano
- C.R.A.B. - Centro Ricerche Ambientali e Biologiche Soc. Coop.
A Cumpagnìa hè u partenariu privilegiatu di Festiventu dipoi tant'anni, evenimentu chì in Calvi, ogn'annu in fine d'ottobre, accoglie 40 000 persone (di quale 11 000 zitelli) da a Corsica quant'è da ogni rughjone di Francia è fin'à u stranieru. Cù tante discipline, Festiventu hè dinù un "eco-festivale", evenimentu "eco-citatinu" chì a si prova à rende cuscente à l'embiu ogni pùblicu, per indettu da l'azzioni quì sottu :
- "Halte aux sacs plastiques !", chjama seguitata d'effetti in Corsica, è chì dapoi si sparghje pè u cuntinente sanu sanu.
- "Sème pas tes piles"
- "Oui au papier recyclé" è "L'appel de la forêt" cù Greenpeace France
- "Du Jetable au Durable" cù WWF France è l'agenza 02 France
- "L'estocade aux sacs plastiques" cù WWF France

Corsica Ferries sustene dinù e publicazioni quì sottu :
- Ecojolie, libracciolu indirizzatu à i giòvani, chì parla di i gesti impurtantìssimi perchì l'embiu sia prutettu.
- ghjurnalettu ECOVIVA distribuitu à 102 000 esemplari chì racoglie tutte e campagne di l'Amichi di u Ventu à prò di l'embiu.
- ghjurnalettu EKOLOMAG publicatu in u 2007 da u Festivale cù u sustegnu di Corsica Ferries, ch'hè statu cacciatu à 30 000 esemplari.
- u Petit Guide Conseil de l'Eko-Touriste, publicatu in associu cù Festiventu.