Vita culturale è suciale

N'hè ghjunta sta manifestazione à a so 19a volta in u 2010. U so spìritu senza fruntiere si pone in Calvi ogn'annu in fine d'ottobre.
Divertimentu solu micca, prupone dinò stonde di scambiu è cunfronti nant'à sugetti impurtantìssimi è ughjinchi più ch'è mai, cum'è a salvezza di l'embiu naturale, e nuvità scentìfiche, u sviluppu à long'andà, u risparmiu di l'energìe, è dinò u rispettu di e diversità culturale è di e razze, i diritti di l'omu è a ghjustizia. Sempre mossu da pueti, musicanti, artisti o acrubati funàmbuli, Festiventu veste a cità di Calvi in un locu di fole, è s'hè impostu da evenimentu culturale frà i più maiò in Corsica.
Corsica Ferries ne hè u principale sponsor dipoi u 1999.

• www.lefestivalduvent.com

In u 2007 hà festighjatu sta manifestazione i so 20 anni. In un embiu festivu, serenu è di veru fervore musicale sò accolti ogn'annu di ghjugnu in Calvi i pistelli frà l'artisti di jazz, in seratine màgiche sott'à e mure di a citatella ...

• www.calvi-jazz-festival.com

In Vicu u paese, u cunventu San Francescu accoglie ogni statina un staziu musicale à prò di studienti venuti da Corsica è d'altrò, strutturatu in "master classes". Sorru in Musica, ghjè dinò u Festivale di i Dui Sorru, i sciali di l'estate, un ochju uriginale nant'à i cuncerti clàssichi chì vanu à l'incontru di a ghjente, in core di sta pìccula pieve di Corsica.

• www.sorruinmusica.com

Puntu signalatu è statinescu di un'attività musicale cuntìnua, u festivale Estivoce offre e più belle voci di Corsica quant'è d'altrò in core d'unu frà i più belli paesi di Balagna. U sonu sprupusitatu di l'auditorium, rossu di terra, è a bellezza di e so seratine à l'ora ch'ellu si chjina u sole, favurìscenu isse stonde d'incantu ...

• www.festivoce.casa-musicale.org

- Giuventù musicali di u Mediterraniu
- Svegliu Calvese
- Sporting Tulò Var
- Calvi on the rocks
- ASKarting Corsica: www.askcorsica.com
- Cie Art Mouv' www.artmouv.com
- Liga corsa di tennis www.ligue.fft.fr/corse
- Cirkostard, arte di cìrculu è di carrughju, in Aiacciu è Corsica sana, tutta l'annata, cù u so festivale sprupusitatu "Rue du Cirque"
www.cirkostard.com