A nostra pulìtica di i tariffi

Annu dopu annu, a nostra cumpagnìa hà rispostu à a dumanda sana sana, mettendu in ligna i Cruise ferries (1989/1990), o prupunendu u serviziu shuttle chì multiplicheghja u nùmeru di viaghji pè a Corsica (1995), o essendu a prima cumpagnìa privata à prupone e navi veloce (1996) ; o puru, cù a custruzzione di i Mega Express, chì prupònenu à listessu tempu grande capacità, vitezza, frequenza è cunfortu.

U rinforzu di i Mega Express hà permessu una crèscita di l'offerta, prupunendu viaghji di ghjornu, vera altra scelta di pett'à i tradiziunali viaghji di notte, è hà scambiatu a nostra filusufìa, oramai addirizzata tutta versu u cliente. Invece chì eri fù u viaghju di notte u più appriziatu da i nostri clienti, cunsideratu da sèmplice mezu di trasportu, oghje u viaghju di ghjornu face di i nostri ferries un locu d'asgi è di piacè chì permette à i nostri clienti di stinzà appenuccia e so vacanze à principiu o à a fine, per via di u cunfortu maiò prupostu nant'à i battelli (magazini, butteghe, usterìe, spazii da ghjocu, bars, piscine).

Emu messu in ballu una pulìtica generale d'ammaistrera di i costi à ogni livellu di a nostra gestione ecunòmica.
- A scelta di e navi : fatti in Italia à prezzi cumpetitivi, e so grandi capacità accuppiate à e frequenze di i pass'è veni permèttenu di pudè fà calà assai i costi unitarii. A so alta vitezza permette 3 o 4 pass'è veni à u ghjornu pè listessa ligna.

- A scelta di i porti : A ricerca di porti novi è l'accordi neguziati cù quessi anu fattu calà u costu di i scali. Cusì emu sceltu Tulò à 65 km di Marseglia, Savona à 30 km di Ghjenuva, Golfu Aranci à 15 km d'Olbia...
- A pulìtica di diffusione : Emu creatu u tickefax è u tick-e-mail da rimpiazzà i biglietti tradiziunali. U nostru situ internet hè apertu à i particulari cum'è à l'agenze di viaghju.
- A gestione di i costi : Ogni annu sò rimanighjati i budgetti è turnati à neguzià cù ogni serviziu. Ogni stonda rimettimu in quistione e nostre strutture di costi cù l'aiutu di sperti.

A nostra missione dipoi sempre hè di traspurtà passageri, mercanzìa è veìculi da o versu l'ìsule di Corsica è di Sardegna, in un embiu di cuncurrenza, senzu aiutu di u Statu è cù a qualità di serviziu a più alta pussìbule.
Parechji anni di fila Corsica Ferries hà ricevutu u premiu Travel Star Gold di a megliu cumpagnìa di ferries, attribuitu da agenti di viaghji sguìzzeri, è u premiu Voyage d'Or attribuitu à a megliu cumpagnìa di ferries travagliendu in Francia.
A nostra gestione di modu "Low Cost" assicureghja tariffi i più bassi, tuttu l'annu è per ogni viaghju, sempre in u rispettu di e norme e più strette di sicurezza è di prutezzione di l'embiu.
- U certificatu di qualità : Dipoi u 1968, emu dimustratu chì prezzi à bon'pattu è qualità pudìanu viaghjà inseme. Simu a prima cumpagnìa in u Terraniu à esse certificati ISO 9002 per tutte e nostre attività, passageri è mercanzìa, o per e nostre navi.
- Tariffi nuvaticci : Emu iniziatu un'offerta di tariffi diversificati cù prezzi à bon'pattu da pudè vene in Corsica :

I tariffi Jackpot : creati in u 1993, i tariffi Jackpot anu permessu certe ecunumìe di circa 70 % à u cliente chì riserva capunanzu. Oghje permette di pagà a vittura à pàrtesi di 1 €* da Tulò, Nizza, Savona è Livornu.

*+ tasse è diritti da 3,57 € à 9,53 € = 4,57 € à 10,53 €

A nostra cumpagnìa hà sempre innuvatu in e so marche è cù a so vicinanza cù u cliente. Tutte ste marche l'emu create :

- Tickefax®
- Tick-e-mail®
- Tarif Jackpot®
- Corsica Shuttle®
- Corsica Ferries®
- Sardinia Ferries®
- Elba Ferries®
- Kallisti Ferries®
- Vivacorsica®
- Corsica Club®
- Corsica Express®