Tutti i nostri ferries

Mega Express Five

U Mega Express V fù cumpratu à a cumpagnìa ghjappunese JRTT di 2006, poi rimanighjatu sanu sanu, da ch'ellu rispondi à e norme di i Mega Express di Corsica Ferries : Di longu face 170 m, di largu 25 m è a so vitezza hè di 26 nodi.
Di grande capacità, pò accoglie fin'à 2000 passageri è prupone 276 cabbine. A so capacità di garagiu hè di 600 veìculi, 50 camiò à "semi-rimorche".
U Mega Express V fù messu in serviziu u 7 d'aprile nant'à e ligne trà Corsica è cuntinente. À st'occasione è per ringrazià i Corsi pè a so fideltà à a Cumpagnìa, Corsica Ferries offre 2.555 piazze di gràtisi à i residenti corsi !
Pè sapenne di più, chjamate puru à u 0825.095.095 (0,15€/min).

Mega Smeralda

Acquistatu di ghjennaghju di u 2008 à a cumpagnìa nurvegiana Color Lines SAS, è tandu chjamatu Color Festival, fù ribattizatu Mega Smeralda da Corsica Ferries.
Di longu face 171,50 m, di largu 28 m è a so vitezza hè di 22 nodi. Dopu qualchì rimanighjata fatta à u cantieru Megatechnica in Grecia, accoglie oghje 2000 passageri è 560 veìculi. A nave prupone 539 cabine cù prestazioni di gran'cunfortu (usterìe, bar, self-service, salle di cunferenza, spazii di ghjocu pè i zitelli, butteghe ...). E so misure, e so prestazioni, è e so caratterìstiche maiò ne fàcenu a nave-amirale di a cumpagnìa Corsica Ferries.
In ligna dipoi u 13 di ghjugnu trà l'Italia è a Sardegna, u Mega Smeralda scalò in Bastia pè a prima volta u 20 di ghjugnu di u 2008.
U Mega Smeralda hè a quattordecèsima nave di a flotta di Corsica Ferries pè òrdine di data d'acquistu.

Mega Express

Veloci di ghjornu (fin'à 30,5 nodi), cunfurtèvuli di notte (fin'à 370 cabine), i Mega Express vi òffrenu a capacità di navi maiò, postu ch'elli ponu imbarcà fin'à 2100 passageri è 650 veìculi, cù tanti servizii di qualità à bordu pè u vostru cunfortu :
usterìe à a carta, caffetterìe, pizzerìa, spaghetterìa, self-service, piscina, bar, salla di ghjocu è videò, butteghe.

Corsica Victoria

I nostri Cruise Ferries, Corsica Victoria è Sardinia Regina vi prupònenu una traversata da vera crucera, cù tutti i servizii à bordu : sinemà, butteghe, usterìe à a carta, cafetterìe, auditorium, salla di cunferenza, piscina.
L'alta frequenza è rigularità di i Corsica Shuttle (Corsica Marina II) vi permetteranu di sceglie l'ora di partenza chì vi vene u megliu.

In quattru è trè sette, e navi veloci (37 nodi) vi purteranu da mare in là !

À bordu, truverete bar, robba da fà spuntinu è buttega.